04 febbraio 2013

Frammenti latini: "La creazione dell'uomo" in Ovidio Nasone

 
 
Manda la tua versione in italiano, la pubblichiamo !
 
 
Vix ita limitibus dissaepserat omnia certis, 
cum, quae pressa diu fuerant caligine caeca,    70
sidera coeperunt toto effervescere caelo;
neu regio foret ulla suis animalibus orba,
astra tenent caeleste solum formaeque deorum,
cesserunt nitidis habitandae piscibus undae,
terra feras cepit, volucres agitabilis aer.    75
Sanctius his animal mentisque capacius altae
deerat adhuc et quod dominari in cetera posset:
natus homo est, sive hunc divino semine fecit
ille opifex rerum, mundi melioris origo,
sive recens tellus seductaque nuper ab alto    80
aethere cognati retinebat semina caeli;
quam satus Iapeto mixtam pluvialibus undis
finxit in effigiem moderantum cuncta deorum,
pronaque cum spectent animalia cetera terram
os homini sublime dedit caelumque videre    85
iussit et erectos ad sidera tollere vultus.
sic, modo quae fuerat rudis et sine imagine, tellus
induit ignotas hominum conversa figuras. 
 
(Ovidio, Metamorfosi, Libro I)
 
 
Immagine tratta da un codice scannerizzato da Google books

Nessun commento:

Posta un commento

I commenti sono moderati e controllati quotidianamente.
Tutte le opinioni sono benvenute. E' gradita la pacatezza.